Sorat Burung

Sorat Burung-Jeihan.jpg


TEPPA are Rebbu, dina se kasohor toronna elmo, Asmidi mangkat eterragi ka pondhugan se etojju. Rombunganna tello motor lengkap ban bikebba se mowabala tangga ban gigibanna.

Norojalan Asmidi narema babulangan ban pangarep dhari reng seppo dhuwana. Asmidi gun abandha enggi ban aonggu. E dhalem atena ongguna la narema ban lakar andhi’ rassa panasaran cara apa kaodhian e pondhuk se sanyatana. Ngedhingngagi dhari ca-kancana se la daddi alumni ban daddi ustad, cana, kaodhian e pondhuk celeburra polana bannyakanca. Ban bannya’ hal se bakal ekaolle.

Sabellunna, Asmidi mangmong tanemmo tojjuwan se nerrossagiya. Marena ujian nasional, ca-kancana la padha jijip jabakal dhaemma marena reya. Badha se  mondhuga sambinerrossagiya aliyana. Badha se gunna nyalaba. Badha cana se langsung nerrossagiya akoleyanorojalur KUA, cana maolle lekkas tapak.

Badha se noroa osomma sateya: alakowa mokkatoko e Jakarta. Badha pole se noroa balana ka Kalimantan alakowa bata. Pokona acem-macem ra. Se tanemmo tojjuwan gun abana kasorang. Dila etanyaagi gun ajawab, ”Taetemmo gian. Cana eppaban emma laju.”

Ongguna Asmidi akarettek dhalem atena: baramma mon jasakenga engkonerrossagi akoleyanorojurusan KUA ta’ iya? Karettek jareya nyelbikarana sabban nyator e barungnga sakolaan Asmidi gasek apolong ban Suki, kanca kellas se lakar jaguna ka babine. Tape seddheng mator ka reng seppona, Asmidi taeparengagi. Polana gingodha galluban bakalla giburu kellas settong tsanawiyah cana.

Reng seppona andhineyat mamondhuga Asmidi ka kottha. Pangarep maolle daddi oreng se lebbi aguna ban lebbi mapan elmona. Lebbi-lebbi elmo agamana. Pannengnga keyaji-keyaji e disana la seppo-seppo. Badha se la atongket. Kadhang dila badha jang-onjangan sarwa taker ambu konee. Apapole guru ngajina dibila tadhaomor. Buru entas pettotello areyanna.

Tadhapasataon, pandhang onggu ja’ Asmidi cepernana badha e pondhuk. Reng seppona aromasa senneng. E sakolaanna, Asmidi tamasomoret se kabilang ceppet ngowasae pangajaran. Kanca-kancana bannyase ngaparlo. Sakadar menta balai, atanya pangajaran se taekangarte, ban se paleng gasek menta jawaban dila badha PR se tamare elakone. 

***

Badha e pondhuk katon taekarassa abidda maske sataon gunnatello kale moleyan. Laju temmo-temmo dhapa. Sateya Asmidi la kellas tello. Sataon aggi bakal lulus. Teppana kereman se dhi-budhina, Asmidi la etanyaagi ban reng seppona jabakal nerrossagi dhaemma. Sateya reng seppona la ngocol pangaterrona anana. Tapadhana bilanna.

Asmidi gun abala jangabdiya gallu dhutaon. Marena pas terro nerrossagiya parjalananna nyare elmo ka tana Jaba. Reng seppona gun adua mandar epakellara abiyayai. Pannengnga ngaenga’e kabadhaanna se la tacara bilanna.

Reng seppona sempat acareta keya jabakalla, cana, bakal nerrossagiya mondhuk. Ngedhing kabar jareya, Asmidi perak. E atena anyoon mandar-mandar epamondhuga e pondhugga keya. Manyaman, pendha tapak ka nasena mattowa. Ban maolle tapate marepot reng seppona. 

Olle lema are dhari keremanna, teppana sa-nyassa, Asmidi eolok ban kancana ja’ cana badha oreng parlo ka abana. Dhalem atena ngaronyam, Dhu sapa ra nas-panas baja teya badha parlo. Mon reng towa la takera ra. Ta’ dhapasamenggu lekka la ekerema pole bari.”

Asmidi kalowar dhari jeddhing. Entar ka temorra pondugga, kennengngan se lakar khusus kereman. Paradhapaa, sokona akaton berrase adikdaga. Taparcaja ka oreng se badha e adhaanna. Badanna akaton lemmes. Matana taakeddep. Gita parcaja.

Bana baras?sowarana masajan lemmes badanna.
I... Iya. Alhamdulillah. Bana, Le?katon gerra jilana. 
Iya.
Badha apa?
Engkoter-ngaterragiya reya,sambiejuluwagi. 
Engkoterrosa ya. Kaburu,megga’ ocase pangara epakalowara Asmidi.

Asmidi ta’ sempat ngoca’ kalangkong lekka. Oreng bine’ jareya langsung ajalan. Maelang eaddhang garalassa pondhuk, mole. Tasempat keya Asmidi atanya ja’ ban sapa.

Asmidi abali pole ka pondhugga sambinegguamplop pote se katon aesse pesse. Badha rassa bunga e dhadhana sabab la paradhutaon taatemmo. Orengnga tamba raddin, tamba majembar atena. Tamba aromasa jaabana na-kanase paleng ontong e disana polana bisa ngabakal reng binese cana basana daddi kembang disa.

Sapa se tataowa ka Masniya. Dhari anana keyaji sampeanana tokang tebbak tao kabbi. Robana se raddin, kolea koneng lenye katon cangngeju se buru cellep. Cana se anana tokang sanja: dhu, lalanengga’ tabalaccar.

Tadhapalakkaka kamarra, Asmidi la ekaco-menco.
Ngocel cair ro corana. Abakala keya bai.
Traktiran penthol lekkae...cana kancana se laen.
Patennang!
Kaburu se terro taowa ka essena amplobba. Gassaka kamar, taker loppae ka sassaanna. E sarongnga ban kaossa gibadha lettessa kapo. Tanangnga gilecen lampadda soklin.

On-laon ebukka’ amplop pote se ajilit jareya. Ealose, takobeddha. Polana pesse se badha e dhalem eman mon ompamana noroakobir. Abukka. Epakalowar essena. Etelang-telang. Bunga paggun taterep e atena. Tape mapas essena banne se earep. Essena dalubang se badha tolesanna. Parapadha ban sorat ijin dila badha kancana menta gabayyagi. Tape se reya tadhatanggalla ban tadhalabedda. Ta’ rasmi.

Duar......!!!

Ngatappor monyena kelap e dhadhana. Badanna lebbi lemmes dhari se gella, lebbi lemmes dhari popos kerreng kaojanan. Taparcaja. Sorat jareya ebaca pole. Paggun bai. Dhari koncoka bungkella aesse ocajatale se ataonan asambugel sateya kodu elorsot, ebuccal.

Asmidi ngalengsang. Edulii entar ka pangurus ngenjam HP, nelpona reng seppona. Ngedhing careta jareya, reng seppona takerjat keya.Pate, korangngajar, polana engkola ngareya. Dila talpos laju maburung. Sengamon lamba, taker nyemba-nyemba menta abisana. Dina, Cong, pasabbar. Takorangan babine! Soradda jabuwang, lagguna ekoneyana,” kacopogga e dhalem HP.

Lambaeppana Asmidi lakar tamasooreng kaabas e disana. Usaha-usaha se ejalane lako bajjra. Molae dhari kalakowan tane sampedagang popos ban dagang sape. Tape molae ecapopessena polowan juta etakal oreng, kaodhianna ngocel ngerset katojudan.

Molae marena katamoyan sorat burung jareya, Asmidi pekkeranna tanemmo dhappor. Gasek tamasoasakola. Dila malem gasek keya kalowar pondhuk aloncae pagar, lan-jalanan ka Taman Bunga.

Aromasa odhina sajan ngocel tasamporna. Apapole kancana lako agajak ja cana mon takowat bisa-bisa daddi gilana. Badha pole se nyarannagi laju abine paceppeddi tausa abakal-bakal pole. Maolle lekkas loppae ka bakalla. Maolle lekkas terep sakeatena.

***

Embir kene’na se aesse jukojareya edilbas e amperra. Mowana tamba kerreng. Lebbi kerreng dhari bakona mattowana. Caddhangnga gicekka. Rokona gipaggun ngebbul.

Pate’, moseng, korangngajar! Daddi nyamana se lako ngokom engko, se lako nyebet engkogibadha e pondhuk ongguna mangarae tang bakal. Ustad koplak, korangngajar! Mandar badhaa tao atemmo e jalan keng. Etarjaa ko laju.

Gikober Asmidi peggel pole. Gikober ngaronyam pole. Mangkana la tello taon ejalane odhisenneng ban binena. Bine se ollena dibi, banne ollena reng towana. Nemmo teppana nenggu kasti, seddheng molena mondhuk. Seddheng ambu olle samenggu.

Asmidi paggun ngaronyam e dhak-ondhagga amperra. Binena ban mattowana badha e dhalem, ajaga ban pos-ngapose anana se buru aomor nembulan. Nanges sajan santa. Sabanna dhateng pole. Sajan daddi. (*)



Romben Guna, 2017


*Rofiki Ar
*Carpan paneka epetthek dhari: Sorat Burung ( JP Radar Madura, TT) tor jugan dhari serat pote

Post a comment

0 Comments